वडगाव मावळ येथे बारा तास महावाचन.. शासकीय कर्मचाऱ्यांचे महावाचन होण्याची ही राज्यातील पहिलीच वेळ.. छत्रपती शिवाजी महाराज, क्रांतीसुर्य महात्मा ज्योतिबा फुले व भारतरत्न डॉ. बाबासाहेब आंबेडकर यांच्या संयुक्त जयंतीचे औचित्य साधून महाराष्ट्र शासन शंभर दिवस कृती कार्यक्रमांतर्गत पंचायत समिती मावळ येथे शासकीय कर्मचाऱ्यांचा बारा तास महावाचन हा उपक्रम घेण्यात आला. या उपक्रमामध्ये सुमारे दीडशेहून अधिक शासकीय कर्मचारी व शिक्षक सहभागी झाले होते. सकाळी सहा ते सायंकाळी सहा या बारा तासांच्या काळात त्यांनी साहित्य, कला, विज्ञान तसेच महापुरुषांच्या चरित्र विषयक पुस्तकांचे वाचन केले. यावेळी आर्थिक दुर्बल विद्यार्थ्यांना मोफत शैक्षणिक साहित्य उपलब्ध व्हावे यासाठी ज्ञानदान पेटीचे उद्घाटन करण्यात आले. बारा तास वाचन झाल्यानंतर प्रमाणपत्र वितरण सोहळा संपन्न झाला. या सोहळ्यात महाराष्ट्र राज्याचे माजी शिक्षण आयुक्त श्री. विशाल सोळंकी, मा. सभापती गुलाबकाका म्हाळसकर, गटविकास अधिकारी कुलदीप प्रधान, सहाय्यक गटविकास अधिकारी सेवक थोरात, गटशिक्षणाधिकारी सुदाम वाळुंज, कृषी अधिकारी संताजी जाधव, शिक्षण विस्तार अधिकारी शोभा वहिले, नाना शेळकंदे, निर्मला काळे इ. मान्यवर उपस्थित होते. वाचकांच्या वतीने मनीषा गाडे व किरणकुमार काटकर यांनी मनोगत व्यक्त केले. वाचनाने माणूस ज्ञान समृद्ध होतो. वाचनाचे आकलन करून मनन केले पाहिजे. वाचनाची सवय नेहमी कृतीत आणावी असे मत विशाल सोळंकी यांनी व्यक्त केले. महावाचन कार्यक्रम यशस्वी होण्यासाठी कनिष्ठ प्रशासन अधिकारी कविता पाटील, सहा. लेखाधिकारी दीपा साखरे, मनोहर कांबळे, दीपक राक्षे, शैला बुरकुले, जयश्री पाटील, नितीन रोकडे, सुनील राऊत,भोरकडे सर, मल्लिकार्जुन कांबळे यांनी संयोजन केले. तसेच कार्यक्रमाचे यशस्वी करिता पंचायत समितीतील सर्व अधिकारी ,कर्मचारी,परिचर यांनी परिश्रम घेतले. कार्यक्रमाचे सूत्रसंचालन मुकुंद तनपुरे यांनी तर आभार बाबासाहेब काळे यांनी मांडले